អត្ថបទគួរអាន កែរូបថតចាស់ៗ ជាមួយ Photoshop [Restoration] – វគ្គ១ជាមួយនឹងវគ្គពីរនេះ លោកអ្នកនឹងទទួលបាននូវវិធីសាស្រ្តបន្ថែមមួយចំនួនជាមួយនឹង ដំណើរការក្នុង Restore Photo ពីដើមរហូតដល់បញ្ចប់តែម្ដង ។ ដូចនេះ សូមតាមដានជាមួយ សំបុកអាយធី ទាំងអស់គ្នាដូចតទៅ៖
ជាដំបូង សូមបើកយករូបថតរបស់លោកអ្នក ជាមួយនឹងកម្មវិធី Adobe Photoshop និងធ្វើការចម្លង (Duplicate) Background Layer ទុកមួយ ដោយចុច Ctrl+J និងធ្វើការ Lock ឬបិទភ្នែក (Visiblity) ក៏បាន ។
បន្ទាប់មក សូមប្រើប្រាស់ Clone Stamp Tool និងធ្វើការជួសជុលនូវកន្លែងដាច់រហែក ។
ជាមួយគ្នានេះ លោកអ្នកចាំបាច់ធ្វើការថតចម្លងយកផ្នែកដែលនៅសល់មកជួសជុលផ្នែកដែលបាត់បង់ ឧទាហរណ៍ មាត់ ច្រមុះ ជាដើម។ ដោយសារវាមានលក្ខណៈឆ្លុះ (Mirror) លោកអ្នកអាចធ្វើការ select ជារៀងដែលលោកអ្នកចង់បាន ដោយប្រើ Lasso Tool ឫ Patch Tool និងបន្ទាប់មកដោយឈនៅលើ Layer Background Copy នោះ ចុច Ctrl+J ដើម្បីធ្វើការចម្លង និងបង្កើត layer ថ្មី ដែលមានរាងដូចដែលបាន Select ។
បន្ទាប់ពីបានរូបមួយចំហៀងថ្មីរូចមក សូមចុច Ctrl+ T រួច right-click > Flip Horizontal ដើម្បីធ្វើការត្រលប់បែររូបនោះ ។ លោកអ្នកនឹងត្រូវធ្វើការ Warp រូបនោះផងដែរ ដើម្បីកុំឲ្យមើលទៅខាងស្ដាំដូចខាងឆ្វេង ជាដើម ។
បន្ទាប់ពីនោះមក លោកអ្នកនឹងត្រូវធ្វើការ លុបបំបាត់ស្នាមអុជៗ (Speck & Spot) ដោយប្រើប្រាស់ Spot Healing Brush Tool ឫក៏ Patch Tool ក៏បាន ។
ដូចគ្នានេះដែរ លោកអ្នកអាចធ្វើការជួសជុល frame នោះដោយប្រើប្រាស់ Clone Stamp tool ដោយធ្វើការ copy ពីស្នាមបន្ទាត់ដែលមានស្រាប់ មកផ្គុំគ្នាុ ។
ជំហានបន្ទាប់ យើងនឹងជួសជុលស្រមោលនៅកន្លែងសំពត់ ដោយប្រើប្រាស់ curves mask ដូចនេះ សូមចុច icon របស់ Adjustment layer > Curves… ។
សូមទាញខ្សែរកោងរបស់ RGB ដូចក្នុងរូប និងចុច Ctrl+I ដើម្បីធ្វើការ Invert ។
ដោយប្រើប្រាស់ Brush Tool សូមគូស ផាត់ នៅត្រង់កន្លែងខូចនោះ ជាមួយនឹង Opacity ប្រមាណជា 20% ។ ជំហាននេះ លោកអ្នកនឹងត្រូវអនុវត្តដដែលៗ ប្រមាណ ៤ ទៅ ៥ Curves Layer Masks ដើម្បីទទួលបានលទ្ធផលប្រសើរ ។
ក្នុងរង្វង់ជារូបដើមមុនពេលបន្ថែម curves mask
បន្ទាប់មក កុំភ្លេចធ្វើការបន្ថយនូវ Opacity និងប្ដូរ Blending mode ជា Soft Light ។
ដោយឈរលើ layer ចុងក្រោយ (layer ដែលបានបញ្ចូលទាំង curves mask ទាំងការលុបបំបាត់ស្លាកស្នាមផ្សេងៗជាដើម) សូមធ្វើការ blur ដោយប្រើប្រាស់ Gaussian Blur ជាមួយ Radius ប្រមាណ 2.7 pixels ដើម្បីធ្វើការ soft រូបភាពទាំងមូល។ កុំភ្លេចបន្ថយ opacity ។
បញ្ជាក់
១. លោកអ្នកអាចធ្វើការ merge នូវ Layers និង Layer mask ទាំងអស់ចូលគ្នាក៏បាន ដោយ select layers និងចុច Ctrl+E។
២. លោកអ្នកអាចធ្វើការបម្លែងជាពណ៌ ស-ខ្មៅ បានដោយចុច icon របស់ adjustment > Black & White…។
ជំហានបន្ទាប់មកទៀតលោកអ្នកអាចធ្វើការទាញយកឲ្យច្បាស់មកវិញ ដែលដំបូងលោកអ្នកត្រូវចម្លង layer ចុងក្រោយទៅកាន់ក្រដាសថ្មី ដោយចុច Ctrl+A > Ctrl+C > Ctrl+N > ចុច OK > Ctrl+V ។
បន្ទាប់មកចូលទៅកាន់ Image (Menu) > Adjustments > HDR Toning…
បញ្ជាក់ លោកអ្នក អាចចុច right-click នៅលើ Layer ចុងក្រោយ និងចុច Flatten Image ជំនួសការចុច Ctrl+A > Ctrl+C > Ctrl+N > Ctrl+V ក៏បាន ប៉ុន្តែកំណែប្រែ (version) របស់ Adobe Photoshop ខ្លះ មិនបង្កើតក្រដាសថ្មីឲ្យទេ បែរជាធ្វើការ merge នៅក្នុងក្រដាសចាស់នោះតែម្ដង ។
នៅពេលដែលផ្ទាំង HDR Toning បង្ហាញឡើង លោកអ្នកអាចធ្វើការកែប្រែ ដូចជា Radius, Detail, Shadow… ទៅតាមអ្វីដែលលោកអ្នកចង់បាន និងទៅតាមស្ថានភាពរូបជាក់ស្ដែង ។
ការប្រើប្រាស់ HDR Toning នេះ នឹងជួយចែកតុងពន្លឺ ឲ្យរូបភាពមានសភាពច្បាស់ឡើងវិញបន្តិច ជាមួយគ្នានេះ កុំភ្លេចប្តូរ blending mode ជា soft light និងបន្ថយ opacity ប្រមាណ 50% ។
ជាចុងក្រោយប្រសិនបើលោកអ្នកមិនស្រលាញ់រូប ស-ខ្មៅ នោះ លោកអ្នកអាចបន្ថែម tone effect មកវិញក៏បាន ដោយបង្កើត layer ថ្មី ដោយចុច Ctrl+N និងធ្វើការចាក់ពណ៌ រួចប្ដូរ Blending mode ក៏ដូចជា Opacity ជាការស្រេច ។
ក្រឡេកថយក្រោយ ទៅផ្ទៀងផ្ទាត់ជាមួយរូបដើម…
បើមានសំនួរ សូម comment នៅប្រអប់មតិខាងក្រោម និងកុំភ្លេច post ស្នាដៃរបស់លោកអ្នកមកកាន់ សំបុកអាយធី វិញផង
ដកស្រង់ និងកែសម្រួលចេញពី Photo Restoration with Photoshop with Janine Smith
ឌីវីឌីវីដេអូបង្រៀនខាងលើ មានលក់នៅហាង ស៊ីង ស្ត័រ (Think Store) ដែលស្ថិតនៅចំងាយ ២០០ ម៉ែត្រពី ម៉ាស្ទ័រស៊ូគីស៊ុប ទុលមុខ ខេនស៊ូគីស៊ុប បាក់ទូក (ចុចទីនេះមើលទីតាំង) ។
Think Store មានលក់ឌីវីឌីវីដេអូបង្រៀនជាង ៥០០០ មុខវិជ្ជា ផលិតដោយអ្នកជំនាញនៅក្រុមហ៊ុន Lynda.com, infiniteskills, pluralsight,safaribooksonline និង cadlearning ។ ទំនាក់ទំនង Think Store តាមរយៈលេខទូរសព្ទ 087 718 466 / 081 987 898 ។
ឌីវីឌីវីដេអូបង្រៀនភាគច្រើនមានភ្ជាប់ជាមួយនឹង English Subtitles ដែលអាចជួយលោកអ្នកក្នុងការមើលវីដេអូឲ្យកាន់តែងាយស្រួលយល់ និងអនុវត្តន៍តាម ។
ប្រភព៖សំបុកអាយធី